«АЙМАҚ» ҚАЗАҚСТАН РЕСПУБЛИКАСЫНДА ӨҢІРЛІК ДАМУҒА ЖӘНЕ ЖЕРГІЛІКТІ ӨЗІН-ӨЗІ БАСҚАРУҒА ЖӘРДЕМДЕСУ ҚОРЫ» ҚАУЫМДАСТЫҒЫНЫҢ СТРАТЕГИЯСЫ

Мазмұны:

I. Кіріспе

II. 2010-2012 жылдарға арналған басты мақсаты

III. Қызмет бағыты

IV. Ұйымның ішкі дамуы

V. 2010-2012 жылдарға арналған қызметтің мақсаты мен мәні

I. Кірісіпе

Жергілікті өзін-өзі басқару – мемлекеттің экономикалық жағынан өсуі мен азаматтық қоғам қалыптасуының маңызды шарттарының бірі. Біздің мемлекетіміздегі жергілікті өзін-өзі басқару перспективалары тиімді жүргізілген конституциялық реформаларды мысалы, мәслихаттардың өкілеттілігі кеңейгендігін ескере отырып, талқыланды.

Жергілікті өзін-өзі басқару реформасының басталуына себепші болған мақсаттар – биліктің халыққа жақын болуы, жергілікті биліктің барлық міндеттемелерінің қажетті қаражат және ресурспен қамтамасыз етілуі.

Қазіргі таңда Қазақстанда жергілікті өзін-өзі басқару саласындағы қарым-қатынасты жүйелейтін жеке дара заң қабылданбаған. Жергілікті өзін-өзі басқаруды дамыту үшін ешқандай тегеурін де жоқ, тек жеке бастама ғана маңызды. Жергілікті өзін-өзі басқару жөніндегі қызу талқылау толастар емес. Талқылаудың сипаты, қатысушы кейіпкерлері, екпіні өзгергенімен, басты тақырып – жергілікті өзін-өзі басқару – сақталған. Әрине, бұл кездейсоқ емес. Жергілікті өзін-өзі басқарудың өкілеттілігі, сипаты, ұйымдастырылуы мен міндеттемелері жөніндегі мәселе – бұл қазіргі демократияны ұйымдастыру формалары, шекаралары мен мүмкіндіктері, сонымен қатар, жергілікті деңгейдегі даму мен тиімді басқаруды ұйымдастыру формалары мен механизмдері жөніндегі мәселе болып қалмақ.

II. 2010-2012 жылдарға арналған басты мақсаттар

«Аймақ» Қоры» Қауымдастығы жергілікті өзін-өзі басқару саласында жүргізіліп жатқан реформаларға жан-жақты қолдау көрсету және өңірдің дамуына ықпал ету мақсатында құрылған. Қауымдастықтың алдағы екі жыл ішіндегі негізгі мақсаты ретінде өңірлердің әлеуметтік-экономикалық даму процестеріне белсене араласуды, өңірлердің даму стратегиясын жасау мен бағалау процестеріне қатысуды, білім беру мен ақпараттық бағдарламаларды жүзеге асыру және жергілікті өзін-өзі басқару жүйесіндегі заңнамалық қордың жақсартылуына атсалысуды таниды.

Қауымдастық қызметінің мақсаты: Қазақстан Республикасының стратегиялық даму жоспарларын жүзеге асыруға, мемлекеттік өңірлік саясаттың тиімділігін арттыруға және жергілікті өзін-өзі басқарудың одан әрі қарай дамуына жәрдемдесу.

Қауымдастық қызметінің мәні:

1. Қазақстан Республикасының 2020 жылға дейінгі Стратегиялық даму жоспарында қарастырылған мемлекеттік өңірлік саясатты реформалауды жүргізуге, жергілікті өзін-өзі басқарудың қалыптасуы мен дамуына жәрдемдесу;

2. мемлекеттік өңірлік саясаттың іс-шараларын әзірлеуде өңірлердің әлеуметтік-экономикалық даму жағдайларын теңестіру, өңірлердің экономикалық мүмкіндіктеріне қарамастан азаматтарды бірыңғай әлеуметтік стандарттармен және тең әлеуметтік қорғаумен қамтамасыз ету қажеттілігін ескере отырып, теоретикалық ұсынымдарды дайындау;

3. өңірлердің табиғи- климаттық ерекшеліктерін, оларды кешенді экологиялық қорғау қажеттілігін, ерекше (экологиялық қасірет, экологиялық апат, қорық, шипажай-курорттық) аймақтарға жататын өңірлерді басымды түрде қорғауды барынша ескеріп, өңірлердің тұрақты әлеуметтік-экономикалық дамуы бойынша практикалық ұсыныстар әзірлеу;

Жоғарыда көрсетілген мақсаттардың орындалуы жергілікті деңгейде жариялы билікті жүргізетін және жергілікті тұрғындардың белсенді қатысуы мен жергілікті өзін-өзі басқару органдарының қызметі олардың мүдделері мен қажеттіліктеріне ең жоғары деңгейде сәйкестігінің арқасында аталған елді-мекендердің өзекті проблемаларын шешудің тиімді үлгісі болып табылатын жергілікті өзін-өзі басқаруды қалыптастырады.

Қауымдастық міндеттемелері:

1. Қазақстандағы жергілікті өзін-өзі басқару негіздерінің дамуына ықпал ету;

2. Жергілікті өзін-өзі басқару туралы және жергілікті өзін-өзі басқаруға қатысты басқа да қолданыстағы заңнамаларды жетілдіруге қатысу;

3. Жергілікті өзін-өзі басқару органдарына және аумақтық бірліктердің әлеуметтік-экономикалық даму стратегиясын жүзеге асыру көмек көрсету;

4. Аумақтық бірліктердің экономикалық, әлеуметтік және басқа да дамуына бағытталған бағдарламаларға бастама жасау, қатысу, жүзеге асыру;

5. Тұрғын үй коммуналдық шаруашылықтың толыққанды әрі жұмыс жасауына, реформа жүргізілуіне ықпал ету;

III. Қызмет бағыты

1. Қоғамның ақпараттандырылуын арттыру және жергілікті өзін-өзі басқару процестеріне қоғамды ауқымды түрде тарту

• Жергілікті өзін-өзі басқаруды дамыту мәселелері бойынша конференциялар, семинарлар, тренингтер, дөңгелек үстелдер ұйымдастыру және жергілікті өзі-өзі басқару органдарының жұмыс тәжірибесімен алмасу мақсатында көрмелер, сондай-ақ, сәйкесінше халықаралық іс-шараларға қатысу;

• Қазақстандағы жергілікті өзін-өзі басқарудың келелі мәселелері бойынша ғылыми-сараптамалық әдебиеттер шығару;

• Жергілікті өзін-өзі басқару тақырыбында сайт, портал жасау;

• Жергілікті өзін-өзі басқарудың ақпараттық жүйесін құру;

• Бұқаралық ақпарат құралын құру және баспа қызметін жүргізу.

2. Даму стратегиясын жасау және бағалау, бюджеттік процестердің жарияланымдылығы мен тиімділігін арттыру процесстеріне құзыретті қатысу арқылы өңірлердің әлеуметтік-экономикалық дамуына ықпал ету.

• Экономикалық зерттеулер, сарапшылардың талқылауы, түрлі жобалар мен бағдарламаларды жүзеге асыруды бағалау сияқты жұмыстарды жүргізу арқылы экономикалық және бюджеттік саясаттағы шешім қабылдау процестеріне ықпал ету;

• Бюджеттік саясат аумағында ашықтықты, жариялылықты, барлық мүдделілерді назардан тыс қалдырмай шешім қабылдау мәдениетін дамыту;

• Бюджет және экономикалық даму мәселелері бойынша мүдделілерге арналған ұсынылымдар жасау;

• Әлемдік және Қазақстандық тәжірибелерге сүйене отырып, бюджеттік сараптама жасау;

• Әлеуметтік-экономикалық, бюджеттік зерттеулер туралы ақпарат тарату.

3. Қазақстанда жергілікті өзін-өзі басқаруды дамытудың үздік және халықаралық тәжірибелерін жылжыту

• Ұлттық және халықаралық ұйымдармен жергілікті өзін-өзі басқару мәселелері бойынша келісімшарттарға отыру және жергілікті өзін-өзі басқару мәселелері бойынша халықаралық байланыстардың дамуына ықпал ету;

• Жергілікті өзін-өзі басқару саласындағы шетелдердің үздік тәжірибелерін зерттеу;

4. Жергілікті өзін-өзі басқаруды дамыту мақсатында мемлекеттік басқаруды реформалау бойынша бастамаларға қолдау көрсету

• Жергілікті өзін-өзі басқарудың өкілетті және атқарушы орган өкілдеріне әдістемелік, ақпараттық, құқықтық және кеңестік көмек көрсету;

• Жергілікті өзін-өзі басқару органдарының қызметкерлерінің әлеуметтік-құқықтық паналылығының нығаюына ықпал ету, оларға қажетті кәсіби біліктілігінің қалыптасуы мен дамуына мүмкіндік жасау;

• Жергілікті өзін-өзі басқарудағы келелі мәселелер бойынша мүдделі адамдарға сарапшылық қызмет көрсету жүйесін құру және дамыту;

• Өңірлік даму және жергілікті өзін-өзі басқару мәселелері бойынша ғылыми сараптамалық зерттеулер және әлеуметтік сауалдар жүргізу;

• Жергілікті өзін-өзі басқаруды дамыту мен жетілдірудің теориялық және тәжірибелік мәселелерін жасауға ықпал ету;

• Жергілікті өзін-өзі басқаруға жәрдемдесу бойынша ресурстық орталық құру;

• Жергілікті өзін-өзі басқару органдарының Форумын өткізу.

5. Азаматтық қоғам ұйымдарының мемлекеттік органдар, бұқаралық ақпарат құралдары және бизнес өкілдерімен тиімді қарым-қатынас жасауға ықпал ету

• Үкіметтік емес ұйымдардың Парламент және мәслихат депутаттарымен қарым-қатынас жасауын қамтамасыз ету;

• Үкіметтік емес ұйымдардың орталық және жергілікті билік органдарымен қарым-қатынас жасауын қамтамасыз ету;

• Үкіметтік емес ұйымдардың орталық және облыстық деңгейдегі қоғамдық сарапшылар палатасымен қарым-қатынас жасауын қамтамасыз ету;

• БАҚ, ҮЕҰ және бизнес өкілдерімен тиімді әріптестік қарым-қатынас жасау жолдарын зерттеу;

IV. Ұйымның ішкі дамуы