«Аймақ» Қазақстан Республикасындағы өңірлік дамуға
және жергілікті өзін-өзі басқаруға жәрдемдесу қоры»
заңды тұлғалар бірлестігі

Қауымдастықтың мақсаты Қазақстан Республикасының стратегиялық даму жоспарларын жүзеге асыруға, мемлекеттік өңірлік саясаттың тиімділігін арттыруға және жергілікті өзін-өзі басқарудыдың одан әрі қарай дамуына жәрдемдесу.

Қауымдастықтың міндеттері:

1. Қазақстан Республикасының 2020 жылға дейінгі Стратегиялық даму жоспарында қарастырылған мемлекеттік өңірлік саясатты реформалауды жүргізуге, жергілікті өзін-өзі басқарудың қалыптасуы мен дамуына жәрдемдесу;

2. мемлекеттік өңірлік саясаттың іс-шараларын әзірлеуде өңірлердің әлеуметтік-экономикалық даму жағдайларын теңестіру, өңірлердің экономикалық мүмкіндіктеріне қарамастан азаматтарды бірыңғай әлеуметтік стандарттармен және тең әлеуметтік қорғаумен қамтамасыз ету қажеттілігін ескере отырып, теоретикалық ұсынымдарды дайындау;

3. өңірлердің табиғи- климаттық ерекшеліктерін, оларды кешенді экологиялық қорғау қажеттілігін, ерекше (экологиялық қасірет, экологиялық апат, қорық, шипажай-курорттық) аймақтарға жататын өңірлерді басымды түрде қорғауды барынша ескеріп, өңірлердің тұрақты әлеуметтік-экономикалық дамуы бойынша практикалық ұсыныстар әзірлеу;

4. өңірлердің қаржылық және басқа да ресурстық мүмкіндіктерін болжау мен бағалау бойынша ғылыми және сараптама-талдау орталықтарымен ынтымақтастық орнату, өңірлер дамуының әлеуметтік-экономикалық проблемаларын шешу үшін өңірлердің жеке әлеуетін жандандыру жолдары мен шараларын, төлеу қабілеті бар сұранысты және оның өңірлік бөлінуін анықтау, өңірлік нарықты зерттеу;

5. өңірлік артықшылықтар мен тиімді өндірістік мамандандыру ерекшеліктер, аймақтық еңбек бөлінісі, экономиканың «локомотивтері» мен «даму көздері» бола алатын ғылыми-техникалық әлеуеті негізінде өңірлердің ұзақ мерзімді экономикалық даму стратегиясын әзірлеуге жәрдемдесу;

6. индустриалдық-инновациялық даму, арнайы экономикалық аймақтар мен технопарктерді қалыптастыру, шағын және орта бизнесті, отандық тауар өндірушілерді қолдауға, өңірлердің инвестициялық тартымдылығын арттыруға жәрдемдесу;

7. әкімшілік-аумақтық бірліктердің әлеуметтік-экономикалық даму стратегиясын әзірлеуде және жүзеге асыруда жергілікті мемлекеттік басқару және өзін-өзі басқару органдарына әдістемелік, ақпараттық, құқықтық және кеңестік көмек көрсету;

8. өңірлік даму мен жергілікті өзін-өзі басқару мәселелері бойынша әлеуметтік сұраулар мен ғылыми сараптамалық зерттеулер жүргізу;

9. өңірлік даму мен жергілікті өзін-өзі басқару мәселелері бойынша қолданыстағы заңнаманы жетілдіруге қатысу;

10. тұрғын үй-коммуналдық шаруашылықтың толыққанды әрі сапалы жұмыс жасауына және оны реформалауға жәрдемдесу;

11. жергілікті өзін-өзі басқару органдары қызметкерлерінің әлеуметтік, құқықтық қорғалуына жәрдемдесу, оларға қажетті кәсіби біліктіліктерді қалыптастыру мен дамуға жәрдемдесу;

12. өңірлік даму мен жергілікті өзін-өзі басқару мәселелері бойынша конференциялар, семинарлар, тренингтер, дөңгелек үстелдер, жергілікті өзін-өзі басқару органдарының тәжірибе алмасуы үшін көрмелер ұйымдастыру, сондай-ақ тиісті халықаралық іс-шараларға қатысу;

13. өңірлік даму мен жергілікті өзін-өзі басқару мәселелері бойынша мүдделі тұлғаларға сараптамалық қызмет көрсету жүйесін құру және оны дамыту;

14. өңірлік даму мен жергілікті өзін-өзі басқарудың өзекті мәселелері бойынша ғылыми-сараптамалық әдебиет шығару;

15. өңірлік даму мен жергілікті өзін-өзі басқару тақырыбында ақпараттық жүйе, интернет-ресурс құру;

16. бұқаралық ақпарат құралдарын құру және баспа қызметін жүргізу;

17. өңірлік даму мен жергілікті өзін-өзі басқаруға жәрдемдесу бойынша ресурстық орталық құру;

18. өңірлік даму мен жергілікті өзін-өзі басқару саласында шет елдердің озық тәжірибесін зерттеу;

19. өңірлік даму мен жергілікті өзін-өзі басқару мәселелері бойынша халықаралық ұйымдармен ынтымақтастық орнату және жергілікті мемлекеттік басқару мен жергілікті өзін-өзі басқару органдарына халықаралық байланыстарын дамытуға жәрдемдесу;

20. өңірлік даму мен жергілікті өзін-өзі басқаруға қатысты халықаралық ұйымдардың жобалары мен бағдарламаларына қатысуға жергілікті билік органдарына жәрдемдесу, өңірлердің сыртқы экономикалық қызметіне қолдау көрсету;

21. Қазақстан Республикасы әкімшілік-аумақтық бірліктерінің басқа мемлекеттердің аймақтарымен халықаралық экономикалық, гуманитарлық ынтымақтастық (оның ішінде шекаралық өзара байланыс, қалалар арасында «бауырластық» мәртебесін құру) орнатуға жәрдемдесу;

22. Казақстан Республикасының заңнамасымен және осы Жарғымен тыйым салынбаған қызметтің басқа да түрлерімен айналысу.